Áhugin fyri Dansibandsfestivalinum er sera stórur og nú eru vikuskiftispassini til Dansinbandsfestivalin 2021 útseld !
(mere…)VIKUSKIFTISPASSINI ÚTSELD !
Uni Næs, dómpróstur, prestur til Dansibandsgudstænastuna
Ein afturvendandi og hátíðarligur partur av Dansibandsfestivalinum er Dansibandsgudstænastan, sum verður leygardagin (1. mai) á festivalinum.
(mere…)Dansibandsfestivalur í Vági 30. apríl og 1. mai
Vikuskiftið 30. apríl og 1. mai verður Dansibandsfestivalur í Vági. Dansibandsfestivalurin bjóðar øllum dansi-áhugaðum føroyingum til Vágs til dans fríggjakvøld og leygarkvøld.
Bjóðað verður til góðan dansibands-tónleik, sum verður kryddaður við góðum mati, góðum undirhaldi og hugna – og ikki minst við stórum gestablídni.
Skráin fevnir millum annað um tvey framúr dansikvøld, syngið við kvøld, brunsj, grillkvøld, dansibandsgudstænastu, gongutúr í stórslignu náttúruni kring Vág, og ikki minst um hugna.
Undanfarin ár hava útlendsk dansibandsorkestur spælt á Dansibandsfestivalinum, men Dansibandsfestivalurin 2021 verður burturav við føroyskum dansibandsorkestrum og tónleikarum.
Longu nú er greitt, at m.a. hesi fara á pall á Dansibandsfestivalinum í Vági í ár:
Hans Jacob & vinmenn
Sunrise
Norrøna Dansband
FourMen
Atgongumerkjasølan
Nógv keyptu vikuskiftispass til Dansibandsfestivalin 2020 og tey, sum ikki hava fingið endurgjald fyri vikuskiftipassið, hava vikuskiftispass til Dansibandsfestivalin 2021.
Vikuskiftispass til Dansibandsfestivalin 2021 kunnu keypast á www.billett.fo – kostnaður 995 kr. (+ 20 kr. í avgjaldi).
Íroknað í prísinum er:
Fríggjakvøld:
Syngið við kvøld og dansur fríggjakvøld.
Leygardag:
Gongurtúrur við ferðaleiðara, Brunsj, Dansibandsgudstænasta, Grillkvøld, dansur leygarkvøld.
Hans Jacob & vinmenn á Dansibandsfestivalin
Besti dansibandsbólkur í landinum, Hans Jacob & Vinmenn, fara aftur í ár á pall á Dansibandsfestivalinum í Vági, sum verður vikuskiftið 30. apríl og 1. mai.
(mere…)Fourmenh á Dansibandsfestivalin
Dansibandsfestivalurin 2021 verður skipaður við føroyskum tónleikabólkum – og millum framúr góðu bólkarnir, sum fara á pall á Dansibandsfestivalinum 2021 eru Fourmenh.
(mere…)Norrøna Dansband á Dansibandsfestivalin
Dansibandsfestivalurin 2021 bjóðar eisini einastandandi Norrøna Dansband á pallin at spæla til dans.
(mere…)Sunrise á Dansibandsfestivalin
Millum bólkarnir, sum fara á pall á Dansibandsfestivalinum 2021, er Sunrise, sum spælir heilt framúr góðan dansitónleik.
(mere…)Dansibandsfestivalurin avlýstur í 2020 – men verður aftur 2021
Nú tað er greitt, at Korona-tilmælini fyri summarið ikki verða broytt og tað verður frámælt at hava størri tiltøk, stevnur og festivalar, so eru vit tíverri noydd at boða frá, at ongin Dansibandsfestivalur verður í 2020.
Dansibandsfestivalur verður tó aftur í Vági vikuskiftið 30. apríl – 1. mai 2021.
Vit eru sera fegin um tann stóra áhugan fyri Dansibandsfestivalinum og greitt er eisini, at Dansibandsfestivalurin 2020 skuldi verða tann størsti nakrantíð. Kampingplássið var útselt og forsølan av vikuskiftispassum hevur ongantíð verið so góð – og skráin við bestu dansibandsorkestrunum úr Norra og Føroyum borgaði fyri góðsku og upplivingum fyri lívið.
Tær upplivingarnar eru nú útsettar til 2021 – og vit gleða okkum at taka ímóti festivalgestum um mánaðarskifti apríl-mai 2021.
Kunnu flyta atgongumerkini til 2021 – ella fáa pengarnar aftur!
Nú Dansibandsfestivalurin 2020 er avlýstur kunnu tey nógvu, sum hava keypt vikuskiftispass, velja at flyta vikuskiftispassið til 2021. Eisini kunnu tey, sum hava bílagt og goldið fyri kampingpláss flyta teirra bílegging til 2021.
Vit vóna, at tey flestu taka av møguleikanum at flyta vikuskiftispassini og bíleggingarnar av kampingplássinum til 2021.
Ynskja fólk hinvegin at fáa peningin afturgoldnan, so ber til at fáa gjaldið fyri vikuskiftispassið endurgoldið (tó undantikið avgreiðslugjaldið á 20,- kr.). Fólk kunnu eisini fáa endurgoldið gjaldið fyri kampingpláss (tøk kampingpláss verða boðin teimum, sum eru á bíðilista).
Tey, sum ynskja peningin endurgoldnan, kunnu venda sær til Hans Jacob Hjelm umvegis teldupost: hansjacobhjelm@yahoo.com – og uppgeva navn, bústað og konto-nummar, har peningurin skal flytast aftur á.
Tey, sum ikki venda sær til okkara við fráboðan um at fáa peningin endurgoldnan, verða skrásett sum luttakarar í Dansibandsfestivalinum 2021.
Dansibandsfestivalurin LIVE leygarkvøldið við Hans Jacob & Vinmenn
Var alt sum vanligt, so vóru vit longu væl ígongd við Dansibandsfestivalin 2020 við fjøltáttaðar og spennandi skrá, men hesum hevur corona-støðan forðað fyri.
Skoytast kann uppí, at Dansibandsfestivalurin er fyribils útsettur. Verða tilmælini fyri summarið broytt í mai mánað, so verður støða tikin til um Dansibandsfestivalurin verður í summar og lýst verður sjálvsagt nærri, tá tann avgerðin er tikin.
Men hóast ongin Dansibandsfestivalur er hetta vikuskiftið, so skulu tit nógvu, sum høvdu ætlanir um at leggja leiðina til Vágs hesa vikuna, ikki verða heilt við sviðið soð.
Tí leygarkvøldið kl. 21 fara Hans Jacob & Vinmenn at spæla góðan dansitónleika í VB-húsinum sum verður stroymaður á facebook síðuni hjá Dansibandsfestivalinum.
Vit gleða okkum at geva tykkum eitt sindur av Dansibandsfestival-kensluni, nú tað ikki ber til at geva tykkum framúr góðu upplivingarnar á Dansibandsfestivali í Vági.
Stroymað verður á Facebook síðuni Dansibandsfestivalurin í Vági og byrjað verður kl. 21.
Dansibandsfestivalurin: Bíða eftir landsmyndugleikunum
Fyri einum mánaði síðani varð boðað frá, at Dansibandsfestivalurin 2020 er útsettur orsaka av corona-støðuni, og tað vil siga, at Dansibandsfestivalur ikki verður í Vági sum ætlað nú komandi vikuskiftið.
(mere…)